شخابيط بنوتة


 
الرئيسيةبوآبتنــآاليوميةس .و .جبحـثالأعضاءالمجموعاتالتسجيلدخول

شاطر | 
 

 هي دى مصر يا عبيط .. " ياترى هى فعلا " ..؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
RoMuOoOo_MaSt_DaY
عضوة برونزية
عضوة برونزية
avatar

ذكر العمر : 31
المزاج : ملكش فيه
الوطن : !! Betna !!
عدد الرسائل : 341
تاريخ التسجيل : 29/05/2009

مُساهمةموضوع: هي دى مصر يا عبيط .. " ياترى هى فعلا " ..؟؟   29/5/2009, 10:31 pm

كنت قاعد بفكر فى حال مصر وفى معنى كلمة مصر .. وفي شكل حياة مصر وانطباعات الناس عنها

انا بصيت للسقف وعملت فلاش باك لوراء

وقعدت أفكر وسالت نفسي .. هي إيه مصر ؟؟

مالقيتش غير اجابات محددة ..

---------------------------------------

ياسلام ع العيش وطوابيره ..

الرجالة : يا سلام كده لما الواحد يصحى كل يوم من الفجر ويقف فى طابور العيش يزق ويتخانق ويتضرب على قفاه .. ياه حاجة هايلة خالص ..

الستات : يا سيدى عليهم وهم ماسكين فى شعور بعض وعمالين يقطفوا ولا الملوخية .. وكل واحدة ماسكة التانية من الجلابية وهاتك يا تقطيع ..

هى دي مصر

ولا يا سلام بقى لما تروح السوق وكل يوم تلاقى الحاجة عمالة تغلى

ولو بس حبيت تسال او تستفسر عن سبب الزيادة تلاقى بتاع الخضار وشه اتقلب ولا بوز فردة جزمة باتا ..

ويقولك واحنا مالنا يا عم مش عاجبك ما تشتريش يلا هوينا وورينا عرض كتافك

هى دي مصر

لما تروح تركب ميكروباص وتلاقى السواق على اخره وهايقوم يضرب الركاب وكل شوية يقول الاجرة يا افندى انت وهو ما تلموا مع بعض يا فتاح يا عليم

ويبص للستات ويقول ما تخلصينا يا ست انتى وهى

ما تفك يا خوانا مع بعض الواحد لسه ما استفتحش ده اول دور

ويطلع زرابينه كلها علينا ..

هى دي مصر

لما تروح تقدم في وظيفة انت متخصص فيها ويجي واحد تانى حمار ومابيفهمش حاجة وياخد هو الوظيفة .. عشان غبن فلان الفلانى ومعاه واسطة ..

او لما تروحى تقدمى لوظيفة بعد عشرين سنة من التخرج ويشوفوكى يتغموا ويقولولك .. فوتى علينا بكرة وكانك بتاعة اللبن

وتلاقى واحدة داخلة الانترفيو وحاطة فول ميكب وناكشة شعرها ودهنه وشها 2 كيلو بوية ولاكيه ولابسة المحزق والملزق ومبينة الركبة

وعاملة فيها ولا هيفاء , وبتتكلم من وراء سنانها .. ويحترموها ويقبلوها من غير انترفيو ..

هى دي مصر

لما تروح اى مصلحة حكومية وتلاقى الرجالة عاملين يقروا الجرايد والستات قاعدة ترغى وتقشر بصل

ولما تقولهم من فضلك عايز اخلص الورق دة يقولوك مش فاضين ولما تتحايل عليهم شوية وتبوسلهم دماغهم

يقولك هات دمغة والذى منه وعلشان تمشى الموضوع تقوم تديهم فى بقشيش

ويقولك ماشى اهو حق كوباية الشاى ولا حتى علبة دخان ..

هى دي مصر

لما تروح مدرسة حكومية تقدم لاولادك فيها , وتلاقى الفصل فيه ابتدائى واعدادى وثانوى والمدرس ما بيشرحش ويقولك بصوت اخنف ابنك مش نافع يا بشمهندز ما بيفهمش ومحتاج درس خصوصى

ولما تحب تقدم فى مدارس خاصة ياخدوك على الهادى وشوية شوية تلاقى المصاريف عليها مصاريف نضافة والات موسيقية والعاب

وكل شهر هنبنى جامع للمدرسة .. وعاوزين تبرعات ..

هى دي مصر

لما تروح تصيف فى جمصة وتحس انك عملت انجاز ومفيش زيك وتتفاجىء بناس بتصيف فى مارينا وعاملين يبنوا فى شاليهات وقصور علشان يروحوها شهر فى السنة

وناس تانية مش عارفة حتى تشم الهواء فى بلكونة بيتهم ومش لاقيه تاكل .. مش يشتروا علبة لبن بخيره يشربوها ..

وناس تالتة رايحة تصيف وعاملة تسال يا ترى ايه الموضة السنة دى المايوه ولا البكينى القطعتين ,, ويا ترى بتستخدموا الـ Sun oil علشان يحميكى من الشمس ولا لا ؟؟

وفى غيرهم مش لاقى تمن الزيت اللى بيطبخوا بيه ..

هى دي مصر

لما تلاقى واحدة ماشية فى الشارع لابسة خيمة ومش باين منها الا الجزمة ,, وتلاقى واحد رزل عمال يعاكسها ويغتت عليها ويقولها يا مزة ايه الحلاوة دى

وهى تتف فى وشه ,, يقوم يبتسم لها ويقولها براحتك يا جميل بكرة يا حلو تروق وتميل ,, تقوم تديله بالشبشب لحد ما يبان له صاحب

هى دي مصر

لما تحب تروح تتفسح فى اى جنينة وتاخد معاك المدام تحدفها هناك وتشممها هواء فاسد

وتلاقى الجنينة اتقلبت بقت غرزة وناس عمالة تشيش وتحشش ,, وفى الاخر تتجرجر انت وهى فى البوكس

لحد ما تعترف بالغصب انها مش مراتك ,, وانها فتاة ليل وانتوا كنتوا بترتكبوا الفعل الفاضح فى الاماكن العامة..

هى دي مصر

لما تلاقى الستات واقفين فى البلكونات عمالة تجيب سيرة فلانة وعلانة وام ترتانة

واللى اتجوزت واللى بارت ,, واللى يكلمهم نص كلمة

هى دي مصر

لما تلاقى شاب طويل وعريض ووسيم وابن ناس كويسين ومتعلم ومعاه ماجيستير وسارح بشرابات وفانلات

ويقولك اكل العيش اللى ما بقاش موجود الا بالطوابير ,, وفى الاخر تساله امنية حياتك ايه ؟؟

يقولك اهاجر واموت برة ارض الوطن ..

هى دي مصر

---------------------------------------


بس طبعا انتوا عارفين حاجات تانية اكتر بكتير من كل اللي انا قلته دة

وقادرين ان انتو تعبروا عنها كويس اوى

بس ياترى حد فيكم شايف مصر بنظرة تانية غير اللى انا شايفها بيها ..؟؟

طب انا عاوز اعرف مصر عبارة عن ايه بالنسبة لكل واحد فيكم ..

ياريت تعرفونى .. هى إيه مصر ؟؟
الرجوع الى أعلى الصفحة اذهب الى الأسفل
شخابيط بنوتة
مديرهــ
مديرهــ
avatar

انثى العمر : 16
المزاج : ممتاز جدا (*_*)
الوطن : مصر الحبيبة
عدد الرسائل : 1149
تاريخ التسجيل : 11/09/2008


مُساهمةموضوع: رد: هي دى مصر يا عبيط .. " ياترى هى فعلا " ..؟؟   29/5/2009, 10:36 pm

عظيمة يا مصر يا ام الدنيا


الرجوع الى أعلى الصفحة اذهب الى الأسفل
http://pink1.ba7r.org/index.htm
no0ody el dalo3a
عضوة ذهبية
عضوة ذهبية
avatar

انثى العمر : 21
المزاج : رومانسيه
الوطن : مصر
عدد الرسائل : 2397
تاريخ التسجيل : 28/05/2009

مُساهمةموضوع: رد: هي دى مصر يا عبيط .. " ياترى هى فعلا " ..؟؟   30/5/2009, 11:48 am

ههههههههههههههه

يا سلام عليك يا روميو وعلى اشعارك

فعلا هى دى مصر




أنت لم ترا مني إلا كلمات كالارض لم تر من زرعها إلا ألبذور فلتكن

عني بعيدا صاحبي لن تجني بقربك مني إلا ألحرور نار بقلبك وأخرى بدمك

نار لا يقوى عليها أي صبور عشقي وحبي ليس لك

فأنا قد نذرت نفسي لأميري المسحور
الرجوع الى أعلى الصفحة اذهب الى الأسفل
دمـوع القمـر
عضوة ذهبية
عضوة ذهبية
avatar

انثى العمر : 21
المزاج : قشطه
الوطن : من ارض الله الواسعه
عدد الرسائل : 2924
تاريخ التسجيل : 19/05/2009

مُساهمةموضوع: رد: هي دى مصر يا عبيط .. " ياترى هى فعلا " ..؟؟   7/6/2009, 8:08 pm

تسلم على التوبيك ده


هى فلا دى مصر بس من نص الكبايه الفاضى


:ghk,yu:
الرجوع الى أعلى الصفحة اذهب الى الأسفل
عاشق بحر الذكريات
عضوة مميزة
عضوة مميزة
avatar

ذكر العمر : 25
المزاج : رايق وفايق للكـل
الوطن : عـالـم الــعــشــق والــغــــرام
عدد الرسائل : 153
تاريخ التسجيل : 08/09/2009


مُساهمةموضوع: رد: هي دى مصر يا عبيط .. " ياترى هى فعلا " ..؟؟   3/10/2009, 6:45 am

هههههه يسلمو كتير لإلك روميو

رووعه بجد


عظيمـهـ يا مصر يا أمـ الدنيـا
الرجوع الى أعلى الصفحة اذهب الى الأسفل
 
هي دى مصر يا عبيط .. " ياترى هى فعلا " ..؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1
 مواضيع مماثلة
-
» "عقدة البدري" تهدي الحدود اللقب الثاني
» زوج ساندرا بولوك يتحدث عن ملابسات "الخيانة"
» ?? «« قصـــة حيـــاة الجنتـــل الأسمـــر " تري هنري " »» ??
» اعرف اكثر عن زوجات الرسول"صلى الله عليه وسلم"
» فيت لأزالة الشعر الزائد " احسن طريقة بشهادة فتيات كتير "

صلاحيات هذا المنتدى:لاتستطيع الرد على المواضيع في هذا المنتدى
شخابيط بنوتة :: XxXx نْفلَحِــــآَـآَآتِ ع~ـٍــــــآمِـة XxXx :: " الحوآإر و النقآش .. «-
انتقل الى: